حضرت رقیه س
شنبه, ۲۷ خرداد ۱۳۹۶، ۱۰:۱۹ ق.ظ
بو شام قیزلارینون وار نه بد رسوماتی
ورولا قلبیمه هر گونده مین یارا یارالی
کیمه آلوب گتورور تازه بیر لباس آتاسی
گیوب گلور باخورام من یانا یانا یارالی
جداده باش باشا ورموشدون اوغلون اکبریله
بویور گوروم هارا گتدی او مه لقا یارالی
باشوندا چوخ یارا وار کربلا نشانه سی دور
دوداقوه نه گلوب ای سنه فدا یارالی
آنام بتول کیمی دویموشام آز عمریمدن
طبیبیم اول ایله بو دردیمه دوا یارالی
دگولدی شانیوه لایق خرابه منزلیمیز
خرابیه بلی شاه ایتمز اعتنا یارالی
خرابه شه لر اوچون دون شانیدور اما
بیزیم خرابه ده وار آیری بیر صفا یارالی
او دم که رشته مرجان کیمی بالالاریوی
دوزردی بیر ایپه بو قوم اشقیا یارالی
قاباقدا عابد بیماریدی دالیجا بی بیم
مواظبتده بیزه ایتمدی اِبا یارالی
اَلی چاتان قدری شمره بس که مانعیدی
بیزی ورانمادی عمم باخا باخا یارالی
