حضرت ابوالفضل ع
یالقوز دایانما سیدی شاد ایتمه دشمنی
تک سن قیت خیامه گیت آغلاتما چوخ منی
آلسا خبر سکینه سوروشسا منی رباب
ویر تسلیت دینن بالا نایاب اولوبدی آب
بیر مشک سو دانشدیم اول من ایکی قولا
قوللاریمی ویروب سویی آلدیم دوشم یولا
فریاد ایدوب دالیمجا ولی ناوک قضا
بیر گوزده قویدوم اوسته گنه اولمادی رضا
امام حاصل علمداری دیندیروب دیله گتدی
دئدی اوتوز بش ایل عمروم بو ساعته چاتماز
اگر رضاسن ابوالفضلیدن دئ جان وئروم آسان
رضای غیر بو گون سن وئرن رضایته چاتماز
امامسن آقاسان ، من آستانیوه نوکر
بو یولدا مین یول ئولم گر خلل ارادته چاتماز
آقالیق ایله بو بوش مشکی گوندر امّ بنینه
او بی کسین اَلی که اوزگه بیر علامته چاتماز
منی که دشمن اوتاندیردی اصغرون آناسیندان
بیر عالمون غمی الله بولور خجالته چاتماز
باشیمی قوی یره دور قدیوی دوزت باشیم اوسته
گورن دئسون اوجا بوی سرولر بو قامته چاتماز
ائله دایان بو قوشون بولمسون بئلون بوکولوبدی
وورالا دیل یاراسی هیچ یارا شماتته چاتماز
