مدح امام حسین ع

حسین غمینده آخان گوز یاشیم عبادتی

گیم عزای حسینده قرانون عاشقیم

وروبدی زینت حسین آدی عرش رحمانه

حسینون عشقینه عرش خدانون عاشقیم

آنام وصیت ائدوب بوشلاما حسین اتگین

ئولونجه سسله اوغول مه لقانون عاشقیم

حسین کرملیدی هچ بیر گدانی قیترمز

اولان حسین قاپوسیندا گدانون عاشقیم

اولونجه آغلا حسینه خلوص قلبیلن

اورکده عشقی اولان بی ریانون عاشقیم

بهشتیدنده گوزلدور آقام حسین قاپوسی

جنان ندور کی او باب رجانون عاشقیم

حسیندی مشکلی آسان ائدن یامان گونده

آنام سفارشی مشکل گشانون عاشقیم

دیار عشقیم همیشه او قانلی صحرادور

خدا بیلور نقدر نینوانون عاشقیم 

مریض عشق اولانون کربلادی درمانی

ئورک سوزیمدی او دار شفانون عاشقیم

ئولن زمانیده بیر جمله یاز اگر دسلر

بو جملنی یازارام کربلانون عاشقیم

آیا باخاندا سالور یادیمه ابوالفضلی

اودور کی هر گجه لر آسمانون عاشقیم