حضرت رقیه س
بولمدیم تشریفوی ای خسرو ملک حجاز
گربولیدیم ایلیردیم من یوز اوسته پیشواز
کوسموسن مندن؟ویاکی ایلوسن بونوعی ناز
گل دله دیندیر منی سن بیل آنان جانی بابا
ای کلام الله ناطق وی کلیم حق پرست
سرفراز ائتدون منی ای ساقی بزم الست
تک نه من فخرایلرم اولدوم می عشقیله مست
ایچدیریب سن خضره آخر آب حیوانی بابا
چوللره سالدین غم عشقینده بوآواره نی
یوللاری گئتدیقجا من هرنه دانیشدیردیم سنی
دینمدون نوک جداده یاندیریب یاخدین منی
قوخدون اعدا اینجیده؟بوقلبی شان شانی بابا
حقدن ایستردیم سنی بیرده زیارت ایلییم
منله بختیم یاراولا یاریله خلوت ایلییم
یوزقویام قانلی دوداقه سنله صحبت ایلییم
تابیرآز آرام ائدم بو قلب سوزانی بابا
شکراولا حقه یئتیشدیم دلده کی آمالیمه
لطف حق شامل اولوب بو نصف شب احوالیمه
قیل عنایت سنده بوپوزقون پریشان حالیمه
لطف ائله گل بیردانیشدیربوپریشانی بابا
ایندی کی بزم محبت ده سنیله همدمم
ائتمرم غم گرچه غرق بحر اندوه و غمم
من ئولردیم،قالمیشام مدیون زینب عمه مم
حفظ ائدیبدور هربلادن اول وفاکانی بابا
حالیمی شرح ایلرم وئرسن اجازه گرمنه
سن شهیداولدون بیزاولدوق دستگیر اهریمنه
ائتدیلر بیر ظلم آنداولسون خدای ذوالمنه
محشره دوندردیلر اول قانلی صحرانی بابا
سعدین اوغلی تاوئریبدور حکم غارت لشکره
قویدولار یوزخیمه گاه عترت پیغمبره
ویردیلاراود،خیمه لر ظلمیله یاندی یکسره
کوفیان جوشه گتیردی قهر رحمانی بابا
اولدولار بیر لانه سیز قوش تک عیالین بی پناه
داغلی دلدن هی چکردی هربیری آه اوستن آه
قمچی الده،کینه دلده،اول گروه روسیاه
خلد ده گئتدی نوایه شاه مردانی بابا
باخمادی اهل جفا اطفالیوین گوز یاشینه
حالینه نه رحم ایدیب نه دیده ی خون پاشینه
هرقیزا یتجاق ویراردی تازیانه باشینه
عرشه اوج ایلردی دلدن آه و افغانی بابا
کربلادن قورتولوب دوشدوق یولا شامه طرف
بارغمله یول گئدردی عترت شاه نجف
نئچه اطفالون دوشوبدور ناقه دن اولدی تلف
اولمادی ویران ندن بو کون و امکانی بابا
بیر گئجه قالدیم اوچولده،کوچ ائدیبدور کاروان
آزقالیردی خوف و وحشتدن ائدم تسلیم جان
دلده وحشت،دیده گریان،هرقدر ائتدیم فغان
اولمادی بیر یاد ائدن بودیده گریانی بابا
پاپیاده صاق صولا حیران قاچاردیم باغریقان
توش اولوب خار مغیلانه ایاقیم آخدی قان
عمه سسلردیم توکردیم عارضه اشک روان
محنتیم قان آغلادیب خارمغیلانی بابا
بس کی وحشت ایلدیم لرزه دوشوبدور جانیمه
کیمسه ائتمیبدورترحم دیده ی گریانیمه
ناگهان گلدی آنام زهرا اودمده یانیمه
بیر الی پهلوده،گوزده اشک بارانی بابا
قوی اولار قالسون دییم شامین جفاسیندن سنه
شام ظلمی کربلا ظلموندن اولدی باش منه
شامیان گولدی بیزه،بیز گلدوق اما شیونه
کیم گوروبدور دهرده بیر بیله عنوانی بابا
عترتین ویرانه نی آخرده منزل ایلدی
قان اولان قلبی دوباره قان بو نسگل ایلدی
سوزآهین خیردا قیزلار شمع محفل ایلدی
یوخ گورن عالمده بیله بزم عرفانی بابا
کربلادن شامه تک اهل و عیالین گولمییب
نه مصیبت لر بیزه یوز وئردی کیمسه بولمییب
تازیانیله یورولموش جسم لر دینجلمییب
خیردا قیزلار ناله سی دوتموش ثریانی بابا
عرشه شیون اوج ائدر ویرانه ده صبح و مسا
نه یانار بیگانه بو احواله نه بیر آشنا
هر کس اوز ایستکلی سین یاد ایلییب ایلر نوا
اوخشیار،آغلار،یانار،گوزده جگر قانی بابا
اکبره لیلا،سریه قاسمه،کلثوم زار
قوللاری تندن دوشن عباسه اولموش اشکبار
آل حیدر سس سسه جمله وئرر خردوکبار
دولدورار ناله سسی عیوق و کیوانی بابا
آتش هجران ربابین قلبینه بیراود سالیر
ناله ی جانسوزی نی دن طاقت و آرام آلیر
اصغریندن بیرنشانه قانلی قونداقی قالیر
روزوشب اوخشار اوطفل ماه سیمانی بابا
اوخلی قربانین سالار یاده اوره کدن وای دئیر
گاه اوخشار سوت امراوغلون یانیب ایوای دئیر
گه خیالینده علی اصغره لایلای دئیر
دلده لایلای گاه اولار گهواره جنبانی بابا
باغریم اولموش غصه دن چون لاله ی نعمان منیم
جانه سونمز اود سالیبدور آتش هجران منیم
قارداشیم اصغر یادیمنان چیخمیری بیر آن منیم
هرگئجه رویاده گوررم اول لب عطشانی بابا
سن دئمه عمه م فراقیندا بابا بیر آن یاتیب
نیزده باشون گورندن باش و جان فکرین آتیب
نصف شب لر مخفیانه آغلاماقدان سس باتیب
حالینی ایلر حکایت قدچوگانی بابا
هرنه بار غم واریدی چکدی عمه م دوشینه
صبر حیران قالدی اول جام وفا مدهوشینه
قانه باتمیش کوینگون جان تک آلار آغوشینه
موج ائدر دائم گوزونده اشک طوفانی بابا
(نادمه)بیرگون دئدی مقصود آدین لی نوحه خوان
گل یازاخ بیر نوحه،باهم ایلییاخ دادوفغان
نوحه نی اما دئدی بیراوچ یاشیندا باغریقان
ای محبت شهرینین دلخسته سلطانی بابا
شعراز：جناب حمیدمحرمی(نادم)
