حصرت ابوالفضل ع
سال قارداشوی یاده یئتیش داده دایانما
یوخ بیر بیله وقته گلن امداده دایانما
عجز ایلمرم باش گئده جلاده دایانما
قاتللر الینده باشیم الدن اله دوشدی
شهبازون اخا زاغ و زغن دوره سین آلدی
مین اؤچی کیمین ایلدی آتدان یئره سالدی
خنجر دم خنجرده گوزوم راهده قالدی
عفو ایله جسارتدی برادر بیله دوشدی
اوخلاندی سو مشکیم بوشالوب قانیله دولدی
جام الده سکینه دئمه‌سون بیرده سونولدی
صد حیف امامت گلنون غنچه‌سی سولدی
دل یاندی عطش سوزش دلدن دله دوشدی
شاه شهدا خیمده حیران دولانوردی
میداندا علمدارینه باخدوقجه یانوردی
گاهی یرییوب گه اوتوروب گه دایانوردی
لشگر ایچینه شور و فرح هلهله دوشدی
یوز جانب میدانه قویوب سیّد بطحا
گوردیله غضبناک اونی یول آچدیلا اعدا
«این اخی این اخی» سویلردی او مولا
ناگه گوزی یئرده او مه کامله دوشدی
سویلوبدی برادر دیزیمون قوتی گئتدی
بو غمده بئلیم سیندی دلیم طاقتی گئتدی
بوندان صورا اهل حرمون حرمتی گئتدی
آخرده بلا دامنه بو سلسله دوشدی
بو حالتیله قارداشی قارداش نجه گورسون
سالم دگو باشون نه الون قارداشون اؤلسون
یوخ سن کیمی بیر کیمسه منیم دردیمی بولسون
سن گئت گلورم منده یولا قافله دوشدی
مرحوم دلریش
