شهادت حضرت ابوالفضل ع
« سیّدی اللّهیم اوجاتسین باشیوی »
« درک ائله عرصده غریب قارداشیوی 》
🌻🌻🌻🌻🌻
امریوه ایلدیم اطاعت
ساخلادیم پرچمی سلامت
دگمیوب هئچ سووا دوداقیم
تشنیم تشنۀ شهادت
« مشگیمه دگدی اوخ الیم چیخدی بوشا »
« هاردادی فاطمه منه نوحه قوشا »
🌻🌻🌻🌻🌻
نیلسین اصغرین آناسی
جان وئرور صود امر بالاسی
بیلسه لر اوخلانوب سو مشگی
قؤزانار قزلارین نواسی
« وای منه وای خانم ربابین حالینا »
« کیم یانار طفل دل کبابین حالینا »
🌻🌻🌻🌻🌻
اولسا سو من خیامه گَلّم
اهلبیته سلامه گَلّم
گئتمرم جانب بهشته
پیشگاه امامه گَلّم
« شاهد شرح سزنوشتیمسن آقا »
« سن منیم با صفا بهشتیمسن آقا »
🌻🌻🌻🌻🌻
گؤندرون یثربه گزارش
مادر پیرمه سفارش
کیم یارامین سایین سوروشسا
سویله سین اولمادی شمارش
« جسمیمی کیم گوره یانار قلبی دولار »
« گویده اولدوزلاری مگر سایماق اولار »
🔽🔼🔽🔼🔽🔼🔽🔼🔽🔼
✅ جواب امام حسین (ع) به قمر بنی هاشم (ع)
✔️ آهنگ : اصغریم ای شیرین زبانیم
آغلاما قارداشیم ابوالفضل
غم گونی یولداشیم ابوالفضل
آچ گوزون قامتیم بوکولدی
قان اولوب گوز یاشیم ابوالفضل
« ای منیم قهرمان علمداریم اویان »
« بی کسم حالیمه یانان یاریم اویان »
🌺🌺🌺🌺🌺
مرحبا ای امیر لشگر
ساقی عترت پیمبر
جنّته تشنه لب گئدورسن
گئت سنه منتظردی حیدر
« ساقی کوثره دئنن یاندی حسین »
« تک قالوب کربلاده نالاندی حسین »
🌺🌺🌺🌺🌺
عترت بی قراریم آغلار
خیمه ده شیر خواریم آغلار
سولسا گر غنچه سی ربابین
زینب غمگساریم آغلار
« غم یمه اصغریم دالونجا گله جاق »
« اوچ پر اوخ اوغلومون بوغازین دبه جاق »
🌺🌺🌺🌺🌺
سن علمدار نهضتیمسن
نور چشمان عترتیمسن
پرچمون گر ییخیلدی نیلک
سن همای سعادتیمسن
« واردی اعلا یئرون فلکلرده سنون »
« خاطرون زنده دی اورکلرده سنون »
🌺🌺🌺🌺🌺
ایلر عزم مدینه زینب
دیده تر داغلی سینه زینب
سویلرم پرچمونله مشگی
وئرسون ام البنینه زینب
« همّتون ریشۀ نفاقی کسه جاق »
« تا قیامت بو قانلی کوینک اَسه جاق »
♻️ منبع : کتاب آرزوی کلامی
