قتلگاه
اولوب پرپر توپراق اوسته بیر گل سیاغی
گولی پامال ایلیوبدی آتلار ایاقی
آخور قانی لخته لخته هر یارسینن
دولوب آغزی ذکره تولانمور دیل دوداقی
یارالی لب عطشان
حسین جان حسین جان
🌺🌺🌺🌺🌺
گون ایستیسی قوم ایستیسی اثر قویوبدی داغ داشا
اوخون داشین یارالاری چاتوب بدنده باش باشا
گلن یوخدی دادینه یتمیش یاورینن
اولوب نومید اکبرینن سرلشکرینن
بدن میزانّان چیخیب طاقت قالمیوبدی
الی قالخمور اوخلاری چکسون پیکرونن
یارالی لب عطشان
حسین جان حسین جان
🌺🌺🌺🌺🌺
اورک باشنداکی اوخی آلوب قوجاقه جان کیمی
آچوبدی اصغرین یرین رباب مهربان کیمی
نفس چکدوقجه یاراسینّان قان گلوردی
دوداقه قان جاری اولدوقجا جان گلوردی
اوخون داشین یاره سی اوستن لحظه لحظه
دوباره گویدن یاغیش تک پیکان گلوردی
یارالی لب عطشان
حسین جان حسین جان
🌺🌺🌺🌺🌺
نه وار کفن نه پیرهن نه باری سایبانی وار
گلن ورور گئدن ورور نه امن بیر مکانی وار
گورولّر کی یارو انصاری یوخ ورولار
یاراسی چوخ چوخ گئدوب قانی چوخ ورولار
دوشوب دیلدن بیر چوخور یرده قان ایچینده
داش اوستونن داش اوخ اوستونن اوخ ورولار
یارالی لب عطشان
حسین جان حسین جان
🌺🌺🌺🌺🌺
دوتوبلا قتلگاهده عزا ملکلر اآغلیور
او قورخولی خیامیده قرا لچکلر آغلیور
حریم عصمت مُلبَّس رخته عزایه
حسینم وای صوتی قوزانموش نه سمایه
خانیم زینب سسلنور جدا یا محمد
خبر وئر زهرا آنام گلسون کربلایه
یارالی لب عطشان
حسین جان حسین جان
🌺🌺🌺🌺🌺
حسین گئدنده خیمه دن خبرده وار اوروج گئدیب
جمالی قانلی قله یه شرافته عروج ائدیب
دییب مین یول پیکریمدن ذبح اولسا باشیم
گئنه احقاقِ حقیقتده وار تلاشیم
اگر دنیا دشمنه سر سخت اولسا منله
بونی بولسون ظلمه باش ایمز آل هاشم
یارالی لب عطشان
حسین جان حسین جان
