آرزوی زیارت
جمعه, ۲۶ خرداد ۱۳۹۶، ۰۳:۴۰ ب.ظ
اورا زوار اولان اللهی زیارت ائلیوب
زائرین زائر حق کبریادی یا حسین
اورا بیر یردی که الهین اورا فانی آخوب
سنه قربان که قانون خون خدا دی یا حسین
نیلورم بهشتی کربلا بهشتیم دی منیم
زینت بهشته مدفن او سرا دی یا حسین
کعبه ده رسمیدی هر حاجی کسیر بیر قربان
اورا بتمیش ایکی قربانه منادی یا حسین
اورانین تلی صفادن آقا چوخ صفالیدی
اورا چون زینبوه سعی و صفا دی یا حسین
اورانین بیر ئوزی قاره سویی وار آخار چوله
سو دئمه نار دل آل عبا دی یاحسین
اوردا ظلمیله ایکی قول کسیلوب اولوب قلم
او اوزون قولار هامی درده دوادی یا حسین
اوردا بیر سودامری اوخلادیلار کوفه لیلر
کوفه نین اهلی نه بی شرم و حیادی یا حسین
اولا (دلگیر) او گوزل قبریوه قربان که اولوب
آلتی گوشه دیه سن عرش خدا دی یاحسین
بو ئوزی قاره نی دعوت ائله تا هامی دیسون
بورانین صاحبی وار که چوخ آقا دی یا حسین
آند اولا فاطمه نین اوتدا یانان درگهینه
دردی بو اورکلرین کرببلادی یا حسین
شاخسین بین الحرمده آقا بیر عالمی وار
چون هواسی او یرین آیری هوادی یا حسین
شعر از قلم زیبای استاد دلگیر
۹۶/۰۳/۲۶