شاه حسین گویان
او قانلی گوزلرون آچ
حسینه ایله نظر
دانیش منیله بیراز
حسینه روح وروان
باخ بو دشمنه قارداش
رحم ایله منه قارداش
قربانم سنه قارداش
ابوالفضلیم
علمداریم
رقیه گوزلور اخا
اماندی دور ایاقا
بئلیم سینوبدی ائله
سینیق بئلیمه دوا
من اغلیاندا سنه
گولور منه بوقوشون
حسینه ایله کمک
سنه رقیه فدا
دوشن قوللارا قربان
سروتک خوللارا قربان
اوزون . قوللارا قربان
ابوالفضلیم
علمداریم
یامان گونومدی اخا
گوزوندن اتما منی
شقاوت اهلی ندن
سالوب بو حاله سنی؟
الیم بئلیمده قالوب
کسیلدی چاره یولی
دوشن قولون یارالی
سالوب ملاله منی
باغریمی ایلدون قان
قانلی گوزلره قربان
یاتما .ای مه تابان
ابوالفضلیم
علمداریم
بیراوچ پراوخ وورولوب
گوزون اولوبدی یارا
گرگ دیم باجیما
سالا باشینا قرا
دور ای منیم کمکیم
وفالی سرسپهیم
ئورک سوزون دیمکه
گیدوم من ایندب هارا
دردیمه ایله چاره
رحم ایله من زاره
وورما قلبیمه یاره
ابوالفضلیم
علمداریم
کسوبدی اهل جفا
صاقیوی هم صولووی
سالوبدیلار بوچوله
بابام ئوپن قولووی
ئوزوم باخوردوم اخا
او تلین اوسته سنه
خیامه سن گلنی
کسوبدیلر یولووی
گور نیلوب سنه نوفل
دوغرانوب اوجا هیکل
گئدک خیمه ده دینجل
ابوالفضلیم
علمداریم
منه دینن سوزووی
فدا اولوم سوزووه
دینن بو اوچ پر اوخی
ووروبدی کیم گوزووه
اگرچه شادلیق ایدور
بوچولده کوفه لیلر
ئورک وصاله اسور
قویام یوزوم یوزووه
تک قویما منی قارداش
گوزلوللر سنی قارداش
صودامر سنی قارداش
ابوالفضلیم
علمداریم
سالوبدی کرب وبلا
باشیمه شورونوا
گوروبدی"متقی"گر
او دشتی چوخلی آقا
ئورک قالوبدی حسین
اوچولده جان دولانور
برات کرب وبلا
بو جمعه ایله عطا
فکریم کرب وبلادی
ذکریم کرب وبلادی
وردیم کرب و بلادی
ابوالفضلیم
علمداریم
