حضرت مهدی عج
او ماه طلعتوون انتظاریدی گوزلر
ظهوره منتظر ارض و سمادی یا مهدی
وجودویله اولوب قائم عالم امکان
سنیله جمله فنالر بقادی یا مهدی
نه تک دلیم یانوری آتش فراقوندا
بو نارهجره یانان ماسوادی یا مهدی
اوزون گل آب وصالیله بو اوتی سوندور
مریض عشقه وصالون شفادی یا مهدی
رموز عشقی بولنمز اوکه دگل عاشق
بوعشقی درک ایدن اهل ولادی یا مهدی
دولوب غمیله اورگلر دوتوب جهانی بلا
ایشی محبلرون آه و وادی یا مهدی
قالوبدی شیعه لرون یولدا گوزلری تیز گل
سن اولماسان بو جهان غمفزادی یا مهدی
سنون وجودویله گل آچار اولار گلشن
هایاندا اولسان او یر با صفادی یا مهدی
دوتوبدی گلشنی آفت خزان اولور گللر
آلان طراوتی خار جفادی یا مهدی
یانورتمام ملل جور و ظلم اوتوندا مدام
غم و بلایه هامی مبتلادی یا مهدی
گل انفلاب ایله ای انقلابینون بالاسی
او انقلابیوه عالم رضادی یا مهدی
گل انقلاب ایله آل بی گناهیلر قانین
اوقانلاریکه خدا خونبهادی یا مهدی
گل انقلاب ایله سال شرق و غربی قدرتدن
اولار مسلط اولا ناروادی یا مهدی
گل انقلاب ایله آل ذوالفقاری حقی اله
نفاق و کفره قلنجون بجادی یا مهدی
گل انقلاب ایله قور دادگاه عدلی اوزون
سنه سریر عدالت سزادی یا مهدی
اوزون کمک لیق ایله انقلاب ایرانه
گجه گونوز ایشیمیز بو دعادی یا مهدی
اماندی قویما اولا پایمال اول قانلار
شهیدلر قانی چوخ پربهادی یا مهدی
قالوب اجانب الینده هامی مسلمانلار
جفا و ظلم لری بر ملادی یا مهدی
ال آچمشام سیزه غم خوار روسیاهم من
گوزوم الیزده امیدیم عطادی یا مهدی
