شاه حسین گویان

گَلدیم اٌپم یوزوندن بیر سوز آلام سوزوندن

قارداش کمک لیق ایله تیری چکوم گوزوندن

آرخام ئلیم ابوالفضل  سندی بلیم ابوالفضل

🌼🌼🌼🌼🌼🌼🌼🌼🌼🌼🌼🌼🌼

اهل جفا بوللّر اولموش قلم گٌل اللّر

قارداش من آغلینده طعن ایلیوب گوللّر

دللرده چوخدی سوزلر آغلار قالوبدی گوزلر

سو جامی اَلده عطشان قیزلار یولووی گوزلر

آرخام ئلیم ابوالفضل  سندی بلیم ابوالفضل

🌼🌼🌼🌼🌼🌼🌼🌼🌼🌼🌼🌼🌼

باشون کناره آلدیم ، قلبه شراره سالدیم

دور مرد با کفایت ، نامرد اَلینده قالدیم

جسمون سراسر اوخدی ، اَل پیکرینده یوخدی

بو الّلرین حسینین ، بوینوندا حقّی چوخدی

آرخام ئلیم ابوالفضل  سندی بلیم ابوالفضل

🌼🌼🌼🌼🌼🌼🌼🌼🌼🌼🌼🌼🌼

ای جاندا چوخ یاراسی ، وار سانی یوخ یاراسی

تقوی گُلی آچوبدور ، آنّوندا اوخ یاراسی

بیر امتحان ویروبسن ، کونه تکان ویروبسن

بیر باخماقا فراته ، گوز تُرجمان ویروبسن

آرخام ئلیم ابوالفضل  سندی بلیم ابوالفضل

🌼🌼🌼🌼🌼🌼🌼🌼🌼🌼🌼🌼🌼

اوخ یاغدی صاق صولوندان ، سن چیخمادون یولوندان

بیر مشگ سو یولوندا ، گِچدون ایکی قولوندان

دردون منه غم اولدی ، صبرِ دلیم کم اولدی

دوشدون بیله اَیاقدان ، بو قامتیم خم اولدی

آرخام ئلیم ابوالفضل  سندی بلیم ابوالفضل

🌼🌼🌼🌼🌼🌼🌼🌼🌼🌼🌼🌼🌼

آچ بیر گوزون یارالی ، سویله سوزون یارالی

توپراق لارا بو نوعی ، سورتمه یوزون یارالی

داغ آتدی بو دلیمده ، یانّام آدون دلیمده

سندن اَلیم اوزولدی ، قالدی اَلیم بِلیمده

آرخام ئلیم ابوالفضل  سندی بلیم ابوالفض

🌼🌼🌼🌼🌼🌼🌼🌼🌼🌼🌼🌼🌼

وصفون بیانه گَلمز ، سایدیقجا سانه گلمز 

سن تک وفالی قارداش ، بیرده جهانه گلمز

قزلار مرامه چاتماز ، یاددان سَنی چخاتماز

یاتدون یارالی قزلار ، آسوده بیرده یاتماز

آرخام ئلیم ابوالفضل  سندی بلیم ابوالفضل

🌼🌼🌼🌼🌼🌼🌼🌼🌼🌼🌼🌼🌼

کامه عدو چاتالّار ، وحشتلرین آتالّار

راحت یاتانمین لَر ، راحت اولوب یاتالّار

دور غمله سینه داغلا ، اشگون عُذاره باغلا

من اوخشیوم سن اوخشا ، من آغلیوم سن آغلا

آرخام ئلیم ابوالفضل  سندی بلیم ابوالفضل

✅ کلام مرحوم صافی

 —----------------------------------------------