میلاد امام زمان عج
سنی الله یارادوب یوسفی مات ایلمگه
تلوون بیر توکونه یوسف کنعان قربان
اوخلیار قلبلری لشکر مزگانون اوغول
اوخ کیمین کیپریگووه مین یل دستان قربان
قاشلارون خنجر حیدر کیمی زیبا یارانون
قوس ابرولرووه خون و رگ وجان قربان
گورسه حورا یوزووی اوج تحیرده قالار
نقشه ی صورتووه حوری و غلمان قربان
یوزووی اوپدوگیجن زاده زهرا سسلر
مهدی جان گول یوزووه سرور دوران قربان
بوسوزی لیک دییر عشقیله هر ایرانی
گل آقا گول یوزووه ملت ایران قربان
سن حسین گلشنینون بلبل زیبا پری سن
ملکوتی سسووه بلبل دستان قربان
اوخشیور گول یاناقون لاله ی حمرایه اوغول
غنچه تک لبلرووه باغ و گلستان قربان
صورتون کعبه ی عرفاندی اوغول شیعه لره
هاشمی خالووه مین کعبه ی عرفان قربان
سن آنون فاطمه نون قانین آلانسان گوزلیم
سن کیمین منتقمه عالم امکان قربان
هر عالم اولان حکمته دارا اولا بولمز
هر زاهد اولاندان بیزه مولا اولا بولمز
بیرکس که انون ظاهر وسیماسی گوزلدی
گر فطرتی ناپاک اولا زیبا اولا بولمز
یوسف اولا گر عالم امکانیده زیبا
مین یوسف اولا یوسف زهرا اولا بولمز
