قتلگاه
عشق سرگردانیم آواره لر آواره سی
من کیمی بیچاره نون بیچاره لقدور چاره سی
قابل مرهم دگول صد پاره قلبیم یاره سی
بو یارا جان یولداشیم دور تا دم محشر منه
بو امیدیله گلیردیم خاکپایون بوس ایدم
باغ وصلون صحنه سینده جلوه طاوس ایدم
گلمدیم چوللرده سرگردان قالوب افسوس ایدم
درد حسرتدور اولان هر درد دن بدتر منه
بلکه زینبدن مبارک خاصرون رنجیده دور
هیچ دیمزسن بو منیم باجیمدی نور دیده دور
بیر سارالمیش گلُ کیمی اوراق اولوب پاشیده دور
یادگار حضرت زهرادی بو مضطر منه
آغلادیم یاندیقجا قلبیم دوتدی قان یاش عالمی
یاندیرار سو اولماسا نار شررپاش عالمی
آیری عالمدور دیللر باجی قارداش عالمی
هاردا قالدی پس او عالم سویله ای سرور منه
خیمه گاهون اود دوتوب اود وُوردی استقلالیمه
هر شراره قوپدی دوندی دوشدی پرّ و بالیمه
بال و پریاندوقجا قوی یانسون خوشا احوالیمه
زینبم پروانه عشقم نه لازم پر منه
منده دیل یوخدور دیم شیرین دیلیم منلن دانیش
سن اوزون آخر دیلون قربانی بیر دیللن دانیش
من دیدیم اوز دردیمی نوبت سنوندور سن دانیش
وعده صحبت ورور بو عشق خوش باور منه
