قتلگاه
غریبه گُللر آچوبدور بو پاره پاره بدن
نشانه هر بیری بیر گلستان ویرور یارالی
نه گلستاندی که گُللر ورق ورق داغیلوب
بهاری نکهت فصل خزان ویرور یارالی
عبیر و عطریله دولدوروب بلا چولینی
که کربلا چولی عطر جنان ویرور یارالی
جهان جهان اولا لی گورمیوب بیله گلشن
صفا گویوللره تا وار جهان ویرور یارالی
اولار لیاقَتیجه باغبانی هر باغین
قضا بو باغه منی باغبان ویرور یارالی
هاچان منیم کیمی بیر باغبان ، سنون کیمی گُل
نشان بو گردش دور زمان ویرور یارالی
چوخ امتحان ویرن عاشق بو روزگاره گَلوب
ولی سنون کیمی کیم امتحان ویرور یارالی
نه بیر مروّتیمیش باشیوی کسن جلّاد
هنوز خنجرینین زخمی قان ویرور یارالی
بو جسم عوره یانوم یا بو نَحر منحوره
داش اولسا دل ، بونا آیا توان ویرور یارالی
آتام فدا اولا بیر جسمه بنزوری فلکه
گویون ستاره لرین یرده سان ویرور یارالی
سویولماسِیدیم اگر جسمون عور قویمازدیم
مگر لباسیمی بیرده آلان ویرور یارالی
کومکلریم قیریلوب یوخدی سس ویرن سسیمه
مگر صدا منه کعبِ سَنان ویرور یارالی
نه دیز گَلور دولانوم قیزلارون یغام چولدن
نه شمر شوم و ستمگر امان ویرور یارالی
اوزوم بیان ایدوم احوالیمی دیلیم دوتمور
«حسینی» خامه سی شرح و بیان ویرور یارالی
توجّه ایت اونی ساخلا اوزون امانونده
همیشه نوکره آقا امان ویرور یارالی
