سینه زنی شهادت حضرت ابوالفضل ع
یره گورندن سنی قولسوز
گوزلریمه عالم اولوب تار
سیندی بئلیم سس وئر حسینه
قویمامنی بی کس وبی یار
گوزون قانین گورّم/اَلَرقان گوزآغلار
دیله آدون گلجک/دیل اوخشارسوز آغلار
اباالفضلیم
💦💦💦💦💦💦💦💦💦
باشوون اوستونده قالوبدی
قارداشون آواره اباالفضل
هی توکورم یاره گوزون تک
اشگیمی رخساره ابالفضل
یارالی سینم ده /ئورک آرام اولمور
باخوب گوزیاروه/یاناراودتک یانّام
اباالفضلیم
💦💦💦💦💦💦💦💦💦
گه باخورام مشگوه یرده
گاهی بو قوللاروه قارداش
گوزتیکوب الان بالالاریم
خیمه ده یوللاروه قارداش
سوجامی اللرده /عطشدن آغلاللار
یانقلی نالیلن/جهانی داغلاللار
اباالفضلیم
💦💦💦💦💦💦💦💦💦
قان یوزوه پرده چکوبدی
آیدی دوشوب سانکی سحابه
صاق صولایرده چالشاندا
اوخشیوسان پرسیزعقابه
قان ایچره عنقاتک/چالانداسن شهپر
کسیلمیش قوللارتک/یانان قلبیم تیترر
اباالفضلیم
💦💦💦💦💦💦💦💦💦
اوخ داغیدان صاق گوزون عباس
خار باتان لالیه بنذر
قانلی یوزون ماه اگراولسا
یوزده کی قان هالیه بنذر
ائدر نی لرناله/باتوب یاسه باغلار
چالارلایلای غملی/ننم زهرااغلار
اباالفضلیم
💦💦💦💦💦💦💦💦💦
هئچ دئمورم خیمه سراده
قیزلارادل داغلا اباالفضل
قیزلاریم آواره دی اما
ئوزحالیماآغلا اباالفضل
باشون اوسته گوزلرده/وئرورجان قارداشیم
الیمده یوخ چاره/اولوب قان گوزیاشیم
اباالفضلیم
💦💦💦💦💦💦💦💦💦
ایستی قوم اوسته قان ایچینده
یاره لی قوش تک چالیشورسان
قلبوه سو بیر اود اولوبدی
شعله سی یوخدور آلیشورسان
سوسوزجان وئردون سن/قانادونسون علقم
دوداقلارون مثلی/یانورقارداش سینم
اباالفضلیم
💦💦💦💦💦💦💦💦💦
باغ امیدیم کیمی یرده
نظم وجودون پوزولوبدور
نیزه قیلینجین یری قارداش
سینوون اوسته گُل اولوبدور
اولوبسان گر خسته/گوزون آچ آهسته
یانان سینم ده یات/چالشماقوم اوسته
اباالفضلیم
💦💦💦💦💦💦💦💦💦