شاه حسین گویان

 ای منیم دیزیمون قواسی دور ، ای سوسوز قیزلارون سقاسی دور 

 قویما عطشان قالا خیردا قیزلار ، آغلور احوالیوه دان اولدوزلار 

 ابوالفضلیم ، وفالی سان ، قارداش سن چوخ یارالی سان

 یاتمازیدون ، من گلنده ، دور یاره لی ، حیالی سان

ابوالفضلیم اویان «3» ابوالفضلیم

🌹🌹🌹🌹🌹🌹🌹🌹🌹🌹

خوش گلدون سروریم ، ای منیم رهبریم ، گوزیمی گور نجه ، یاره لندی

 من چوخ شرمندیم ، ایندی جان اوستیم ، مشگیمه اوخ دگوب ، پاره لندی 

یاتمازدیم سروریم سن اولاندا ، شرمنده اولموشام بو مکاندا 

 گرچه من دوشموشم توپراق اوسته ، قدم قوی باری سن گوزوم اوسته 

جانیم سنه ، قربان اولا ، من سیز قارداش ، سن دوش یولا 

 خبر آپار ، رقیووه ، قویما گوزی ، یولدا قالا 

ابوالفضلیم «3» ابوالفضلیم

🌹🌹🌹🌹🌹🌹🌹🌹🌹🌹

 مشگین چوخ پاره دی ، قولارین یاره دی ، قارداش داریخما چوخ ، چاره ندی  

دور وئراخ ال اله ، گولمسون حرمله ، زخم زبان اوچون ، آماده دی 

 دور گئداخ خیمیه سنسیز گئتمم ، قارداش بالینوی من ترک ائتمم 

گوزوی آچ اخا یاتما قارداش ، گوزیاشیمی قانا قاتما قارداش 

 مهربانیم ، یالقوزام من ، بوچولده آدامسیزام من 

 منی آتما ، خسته یاتما ، یارالی قارداشسیزام من 

ابوالفضلیم «3» ابوالفضلیم

🌹🌹🌹🌹🌹🌹🌹🌹🌹🌹

 قارداش وار بیر خبر ، سوروشسان گر نلر ، سویلرم دیده تر ، نیلی گوردوم 

 بیر خانم قدی خم ، گوزده وار اشک و نم ، یوزونده ردّ بیر ، سیلی گوردوم 

 سوروشدوم ای خانم سویله کیمسن ، سس گلدی سن بالا امیدیمسن ،

 قویما حسینیمی بی کس قالسون ، بو هجرون زینبی درده سالسون 

 . 

تانیدیم من ، خسته گلن ، خانمون اول ، صورتیندن  

بو چول هارا ، ننم هارا ، حیرتدیدیم ، همتیندن 

ابوالفضلیم «3» ابوالفضلیم

☘🌹🌹🌹🌹🌹🌹🌹🌹🌹🌹🌹🌹☘