مدح امام حسین ع

ای انسان خالقه سن سن خلیفه

یاراتما صحنۀ رسوائی عشقه

اگریاهو دیوب تاپسون بصیرت

الون حتماًچاتارشیدائی عشقه

ال ئوز شش روزه دهرون دامنیندن

بوقدری ویرمه دل لیلائی عشقه

پر آچ پروازه آل سبقت مَلکدن

گَل اول مَحرم بیزیم زهرائی عشقه

کفن پوش اول قوشول حُرّ و حبیبه

قدم قوی صحن عاشورائی عشقه

ثَمر حاشا یارانمازقطره لردن

جسور اول تاپ دل دریائی عشقه

بدن فانیدی، روحه اعتلا ویر

وضو آل قانیدن مولائی عشقه

حسین تک شهپرجبریله نازایت

یارانسون جلوه کَرّمنائی عشقه

((  قراپرچم لر آثارحسیندی ))

((  بوبزم عشق، بازارحسیندی )) 

حسینیم وای دیمک عزتدی عزت

قراکوینک بیزه دولتدی دولت

ملک لربوسه ورمش آستاندا

گدالیق ایلمک رحمتدی رحمت

اوکس که ال تاپارمعراج روحه

پَر پروازیده همتدی همت

حسینیم وای دینده شوره گلمک

یقیناً جلوۀ غیرتدی غیرت

آخان گوز یاشیمز دامانه حتماً

پیام عشقیدن جَلوتدی جَلوت

قزارمش سینه لردن تَر سُوزَنده

دیَر حورا بولارطاعتدی طاعت

حسین سیز نیلورم من عمر نوحی

حسین ذکری بیزه نعمتدی نعمت

حسین آدی بیزه جاندی نَفَسدی

حسین سز زندگی ذلتدی ذلت

حسینون نینواسینده آخان قان

یقین شرح قیامتدور قیامت

او تَلّی که دوراردی اوردا زینب

اورا پایانۀ جنّتدی جنّت

(( نه نعمت وارحسین دربارینون دی))

(( جناندا کربلا زوّارینون دی))

حسین خلقتده بی همتا پدیده

حسین نورخدادن آفریده

حسینون مدحتین تکمیل ایدنمز

هزاران مثنویات و قصیده 

حسیندورزمز وحدت سرّ کثرت

حسین آئینه قرآن مجیده

حسین میخانۀ غیرتده ساقی

حسین غم مَسلَخینده آرمیده

حسین زمزم حسین کوثر زهابی

حسین عدل الهیدن چکیده

حسین محراب و منبراعتباری

حسین لاهوتیانه نور دیده

حسین ذکرنماز عشق طاها

حسیندورغیرت قامت کشیده

حسین حُسن اُلقضانون بَهره مندی

حسین تسبیح زهرای حمیده

حسین شمس وقمرده نورساطع

حسین رنگین کمان قَد خَمیده

حسین مهمان مست قابَ قوسین

حسین عشقین گزریوسف خریده

حسین دست شجاعت قوزیاندا

حریف اوخشارهراسان برگ بیدَه

حسین اَل ساربانه ویردی اَمّا

دیدی دگمز بو اَل، دست یزیده

 (( شرافت زائردست حسیندی))

(( ملکلر عرشیده مست حسیندی))

حسین مَحرمدی سرّ ممکناته

حسین آگهدی رمز کایناته

حسین مغرب حسین مشرقده محبوب

حسین حکم ایلین دورشش جهاته

حسین یحیالره درس ئورگدندی

حسین محشرده شافع سیئاته

حسین اَمریۀ ذات خدادن

چاتوب عنوان کشتیّ نجاته

حسیندوربزم میقاتون خطیبی

حسین تفسیرگو وَالعادیاته

حسینون سینه سیندن قوزانان نور

ستاره پایلیوب کُلّ کُراته

حسین سرنیزه دن رَفرَف دوزَلدوب

ایدوب معراج آلوب عزّت حیاته

حسین نازایتدی آغوش سیوفه

ولی یالوارمادی آب فراته

حسین طوفان ایچینده خیمه قوردی

بنات تشنه کام و پاک ذاته

حسین گرایله سیدی بیراشاره

چاتاردی سرّ اعجازی ثباته

یقینیم وار ربابون خیمه سیندن

آچاردی چشمۀ زمزم بَناته

حسین گودالیده یاهو دینده

بیزیم گوزیاشی دؤندی باقیاته

(( حسینون مالک جان چکدی نازین))

(( ئوپوب روح الامین عطشان بوغازین))