شاه حسین گویان
ایلولر افغان عطشدن اوشاقلار
گل تک سولوبلار بو چولده قوناقلار(2)
لای لای علی یات آناوی آز آغلات (2)
☘☘🔷🔷⚫️⚫️🔷🔷☘☘
بالالار فراته باخوردی
چوله نهر علقم آخوردی
سویون ماجراسی خیمده
دله تیر محنت تاخوردی
اوج ایتدی عرشه العطش صداسی
باشلاندی مخیمده غم ماجراسی (2)
لای لای علی یات آناوی آز آغلات (2)
☘☘🔷🔷⚫️⚫️🔷🔷☘☘
سالوب سو خیامه شراره
ورور دیللره چوخلی یاره
قالوب الرینده ربابون
عطشدن سولان شیر خواره
گوردوقجا اصغر یانور سینه داغلور
عطشان بالانی آناسی قوجاقلور
لای لای علی یات آناوی آز آغلات (2)
☘☘🔷🔷⚫️⚫️🔷🔷☘☘
دیور صبری دلدن آلوبسان
منی مین بلایه سالوبسان
سودیلن سویا یوخ گمانیم
شرار عطشدن یانوبسان
باخما سنی دیندیرنده گولورم
خجلتدن اما علی من الورم (2)
لای لای علی یات آناوی آز آغلات (2)
☘☘🔷🔷⚫️⚫️🔷🔷☘☘
علی ایتمه مندن گلایه
بیله سینمه ورما یاره
کسوب سو یولون اهل کوفه
یوخومدور بالا راه چاره
عفو ایله اوغلوم الون باغلادیم من
اوچ گونده بیر جرعه سو تاپمادیم من (2)
لای لای علی یات آناوی آز آغلات (2)
☘☘🔷🔷⚫️⚫️🔷🔷☘☘
داخی بسدی گلمه فغانه
سسون باتدی ای نازدانه
قورویوب علی دل دوداقون
باتوب گوزلرون ای یگانه
آرزوم بودور کی اوغول دل آچاسان
سنده دوروب یول یریوب قاچاسان (2)
لای لای علی یات آناوی آز آغلات (2)
☘☘🔷🔷⚫️⚫️🔷🔷☘☘
