حضرت رقیه س
دور یومولان گوزلریوون فداسی فداسی
وئر منه سس قارداشیمون بالاسی بالاسی
توختامیاندور ایاقون یاراسی یاراسی
بلبل ویرانه سرا رقیه - رقیه
گون که باتاردی قاپیدا دوراردون دورادون
زلفلروی الده گرو دوتاردون دوتاردون
کرب و بلانین یولونا باخاردون باخاردون
سینه ده غم دیلده نوا رقیه - رقیه
ذکر ائلیردون منه وئر پای الله پای الله
یوردی بو ویرانه منی دای الله دای الله
من بابامی ایستیورم آی الله آی الله
ایستدیگون اولدی روا رقیه - رقیه
یاره لی باشون باشینا دولاندون دولاندون
باخدون او قانلی دوداقا اوتاندون اوتاندون
گاهی گئدوب هوشه گهی اویاندون اویاندون
دردون عجب اولدی دوا رقیه - رقیه
دلبریوون وصلی سنه ناز اولدی ناز اولدی
گل کیمین عمرون گؤزلیم آز اولدی آز اولدی
گل یوزوون صحبتی اوچ یاز اولدی یاز اولدی
آرزیلارین اولدی فنا رقیه - رقیه
گلمز عزیزیم محنون حسابه حسابه
شام اولا ویرانه کیمین خرابه خرابه
الله ئوزی رحم ائلسون ربابه ربابه
یوخ هوسی زنده قالا رقیه - رقیه
نازلی قیزیم دویمامیشام سوزوندن سوزوندن
هم باخیشیندان بالا هم ئوزوندن ئوزوندن
وای دییرم هی ئوپرم گؤزوندن گؤزوندن
زلفی کیمین بختی قرا رقیه - رقیه
آچ گؤزووی ایله منه نظاره نظاره
ای پر پروازی سئنان هزاره هزاره
من نجه جسمون قویارام مزاره مزاره
چشم و چراغ اسرا رقیه - رقیه
بیر باخیشون دردیمیزه دوادی دوادی
خوردا الین دست گره گشادی گشادی
دفتر ((معروفه)) آدین صفادی صفادی
شامی ائدن بحر صفا رقیه رقیه
