آرزوی کربلا
نه دلرباسن خاک کربلا
نه باصفاسن خاک کربلا
امان امان ای دل امان امان ای دل (۲) بار
________________________________
من ریزه خوار خوان یارم
عالمده کربلا تبارم
اللر سینه ده دیلده روان بو کلام
اولار سوزوم شاه شهیده سلام
نولار یتیدیم یارب مراده
نولار اولیدیم کرببلاده
امان امان ای دل امان امان ای دل (۲) بار
________________________________
اورکده وار قصد و اراده
زوار اولام پای پیاده
منظوریم دیلده بو اولوبدی خدا
ضریح آقا من و پایین پا
من و وصال مزار اکبر
من و طواف شبه پیمبر
امان امان ای دل امان امان ای دل (۲) بار
________________________________
اورک ایدور لحظه شماری
آئینه دن سیله غباری
آتش عشق گل اهل کساء
سالوبدی سینمده بیر اوزگه نما
هزاره تک گویلوم نغمه خواندی
مقیم بو زیبا گلستاندی
امان امان ای دل امان امان ای دل (۲) بار
________________________________
کرببلادی فرشه زیور
بیر طوفی مین حجه برابر
نولار شه باخسون بیرجه بو انجمنه
کرامت ایتسون دل پر محنه
آلاخ ایکی دنیایه بیر توشه
چکاخ ضریح پاکون آغوشه
امان امان ای دل امان امان ای دل (۲) بار
________________________________
قربان بو شاه انس و جانه
آدی صفادی روح و جانه
مولانین آدی باشیمه سایه سالوب
غلامی اولماقدا باشیم اوجالوب
دولانام الده زیبا لواسی
باشیمدا وار کربلا هواسی
امان امان ای دل امان امان ای دل (۲) بار
________________________________
