شعری اجتماعی وعالی

کاش اقبالیم اولا سیرگلستانی تاپام 

گون چخان لحظه گزوب لاله نی ریحانی تاپام 

کاش بختیم منه همراه اولا، تاوارنَفَسیم

حال مجنونه دوشوب، کوچۀ لیلانی تاپام

کاش پَر ورماقا پروانه کیمی عشق اودینا

منده آماله چاتوب، شمع شبستانی تاپام

کاش بزم عُرفاده قوشولام عَطّاره

عمریمون بیرگئجه سین، نشئۀ عرفانی تاپام

کاش اولام حُرّکیمی، منده نظرکردۀ عشق

دارِ  دنیانی آتام، خیمۀ مولانی تاپام

کاش قابل بیله ایثاره منی حضرت عشق

دامن مَرحَمتِ یوسف زهرانی تاپام

کاش اثبات اولاجانانه، که مست عاشقیم

اونا قربان کَسیلَم، شأن شهیدانی تاپام

کاش منده سُورونَم، مَقدم دلبردن ئوپَم

بو ارادتده،  مَلَک مَنزلتین آنی تاپام

یازدیقیم نوحه لری کاش نگاریم بَگنه

"سیفیِ اردبیلم"، مُحتَشَم عنوانی تاپام

سیف الشعرااستادسیفی

اردبیلی