حضرت زهرا س
عمرومون گونی آز قالور باتا
برج غمده رقتده یا علی
غرقه نیازم حضوریوه
لحظه شهادتده یا علی
شأنوی بابامدان ائشوتموشم
صاحب مقام کباری سن
خلقتون وجوده دلیلیدور
کلّ خلقته تاجداری سن
گل قوجاقلاما دیزلرین بئله
خیبری یخان شهریاری سن
دوزموری اورک تا گوروم سنی
بیله غملی حالتده یا علی
فاطمه دوشوب بستره بو گون
غم وجودوه غالب اولماسین
آغلیوبدی صبح و مساء سنون
گوزلرین سرشگیله دولماسین
گل کیمی خزان ایچره سولموشام
تا ولایتین نخلی سولماسین
فاخرم بونا جان وئرم بو گون
من ره ولایتده یا علی
ختم الانبیادن صورا منیم
فانی دهریده گولمدی یوزوم
ظلم ثانیدن درگهیم یانوب
عارضه توکوب اشک غم گوزوم
پشت درده محسن شهید اولوب
دوشموشم یره زخمدار اوزوم
بیر اوزوم بیر الله بولور نلر
چکموشم بو مدتده یا علی
خیبری یخان اللره عدو
روز حادثه باغلادی رسن
جان زینبیم غربتون منه
چوخ گران اولوب ای شه زمن
بوشلامازدوم اصلا امامیمی
ظلمی گورمسیدوم مغیره دن
قاخموری قولوم ظلم گورموشم
موقع حمایتده یا علی
گل دئمه که رخت علایقون
تندن ایستوری فاطمه سویا
پوزما حالیوی قویما قلبیوی
تیر محنتون دم به دم اویا
درد بی دوا ایلیوب مجاب
غم شریکون اوز جانینه دویا
یوخسا قویمارام من سنی وحید
وادی محبتده یا علی
دوزدی باعث خلقتم اوزوم
یوخ صفاسی سنسیز بو خلقتون
شاکرم جهاندا شریکیوم
زندگی ده ای میر متقین
کلّ عالمیله دگیشمرم
تار مویوی شاه بی قرین
چاره یوخ قضا ایستوری سالا
آیریلیق بو وصلتده یا علی
مهندس رضا عباسی